Tampilan Baru!!

Hoolla..!! apa kabar kita ni Blogger Tenggarong? tengkyu beneh mun bunyi urang barat jua dah bersedia betamu keBLog komuniti kami ni.

Mun untuk kita2 yang pernah betamu keBlog ni pasti heran.Kok jadi tegak ni tampilannya ni? kok jadi keren beneh.. ih ngepens ku leh dengan yang molahnya ni. pasti gagah ngan cerdas beneh daya seninya urangnya ni.! hehe.. hue heu..

soal tampilan. hmm.. kami dari redaksi TBC merasa kalo Komuniti ni butuh penyegaran, baek tu dari segi tampilan, program. dan lain2

kami sebenarnya ndak mindahkan portal etam nie ke Blogspot. tapi dipikir2 ndia jereh pulang kita Bolak-balik ncarii dimana komunitas ni ni.. bujur ndik? karena itu hak kami ni mutuskan untuk tetap bermukim di WP dan ndik dulu pindah kemana2. sebenarnya aku ada rencana ndak ganti portal etam ni yang pertamanya tegak Blog jadi model2 forum tgaktu.. tapi ndia hak mun dah rame. ni aja sepi mun ku ngelihat dari statisnya ni. tegak lomba yang ku molah pas bulan November tu. asli ndikda yang umpat, padahal apa dah hadiahnya tu. banyak dah kunyediakan. ndikda jua yang umpat. ah Gepe leh.

oya kami ada permintaan ni untuk seluruh Blogger Tenggarong, baek tu wilayah Kukar, kutim, kotabangun. loa janan. segalanya dah asal parak dengan Tenggarong. Yok etam sama2 Promosikan Nie Portal etam ni. mun bisa di setiap posting di beri link untuk kesini. biar segala urang Kutai tahu etam berempu Blog tgakni. ato mun baek hati. ya polahkan hak segala bannernya biar keliahatannya keren gaktu na. mun rame kan etam jua yang nyaman kan?

oya selain itu. tolong hakni leh aku mintak beneh2.. di Link hak Blog komuniti etam ni, biar nyaman urang Google ncarii etam.

oya soal tampilan. kita bisa lihat sebenarnya ndik banyak berubah sih, tapi ada bannernya (makasih buat Ugie yang dah molahkan) untuk ID etam, biar kelihatan keren. hehe.. ama jadi keliahatan lebih rapi lah

Tips Posting yang bujur.

1. pertama2.. tentukan dulu media untuk menulis.. blog misalnya..
2. tentuin jenis tulisan yang ndak ditulis.. ndak yang  formal ato informal ato bahkan abnormal..
3. Tema. penting tu.
4. Konsep dulu polah diawal tu. kadang ada tu urang ni banyak ni diotak yang ndak di Posting. eh pas di mukak komputer hilang dah.. kan ndik loco tegak tu tu.. ngojang pitis etam maha ndia. polah hak dulu apa yang ndak ditulis tu diketas. ato di M.word/notepad jadi nyaman. tinggal kopi paste maha lagi. ndik mahal etam bayar. ya ndik?
5. Tulisan tu jangan kesannya maksa. kependek an lah, kepanjangan lah. yang pas2 aja. tambahi humor biar loco. ndik garing bunyi urang banjar jua.
6. Tulisan tu ndik kawa istilahnya nyinggung2 urang. yang intinya tulisantu molah urang rugi. yang tegak2 tu tu ndik kawa tu. perhatikan lagi. takutnya kita mulang dari warnet tebak urang ngan parang karna tulisan kita tu nyinggung2. mun emang nyinggung (sengaja) harus ada referensinya leh. takutnya etam disebuti urang mfitnah pulang
7. sebelum ngepost.. Banyaki baca buku ngan koran. pas kalinya postingan kita cenderung konfersional. kan ndiknyaman jua supan etam kelau mun kalinya etam bujur salah. paling mandik tulisan etam tu aptudet dengan jaman
8. Font tu penting. kadang urang malas mbaca postingan etam pun font etam ndik bujur. tahu Font ndik? hurup leh. jangan pore-halus-pore-halus tegak bahasa SMS tu. jereh mbacanya. mun sesama etam ja mungkin dapat masih mbaca. mun urang luar? klos nya ai langsung Blog awak. sama Warnanya jua. ni sepele memang. usahakan pilih Font yang kontras ngan latar. jangan sama. ndik kelihatan pulang ndia tulisannya tu. pilih warna dingin. jangan habang. pedeh urang melihat. apalagi yang rabun

hemm.. eh ada lagi, tips buat penulis..

1. Jangan parak2 mukak komputer tu.
2. sebelum menulis, nggak salah kan kalo kita melakukan peregangan otot..
3. usahakan setiap habis menulis.. yah.. 15 menit sekali.. pejamkan mata anda.. untuk mengurangi ketegangan..

kalo penulisnya sehat.. insya allah.. tulisan yang bagus bakal kita dapetin.. ya ndik??

segakni dulu leh.. tips ndia hak ku beri untuk kita. kita posting hak yoh. Hidup Blogger Tenggarong!